ஆறால் பனி உருகி
ஆறாகி கடல் பெருகி
ஆறாகி நிலம் புகுந்து
ஆறோடு ஒன்றை அழித்து
ஆற்று நீராலான உலகு

இன்திய அரசாங்கம் அரசு வலைதளங்களை கட்டுவதற்கு ஒரு வழிகாட்டி முறை ஒன்றை தனது வலைதளத்தில் வெளியிட்டு உள்ளது. இந்தியாவில் எல்லா மாநிலங்களும் தங்களுக்கு உரிய வலைதளங்கள் வைத்து இருந்தாலும் ஒவ்வொன்றும் ஒவ்வொரு உத்தியை கையாண்டு உருவாக்க பட்டு உள்ளன. பல் வேறு தொழில் ஙட்பங்களில் உள்ள மத்திய மாநில வலைதளங்களை அனைத்து மக்களும் உலாவ வசதியாக ஒரே ஙட்பத்தில் எல்லா வலைதளங்களை கட்ட உத்தேசித்து இந்த வழிகாட்டி வெளியிட்டு உள்ளது

நடிகர் கமல்காசன் எய்ட்ஸ் விழிப்புணர்வு பிரச்சாரங்களில் அதிக அக்கறை காட்டினார் அதனிலும் முத்தாய்ப்பாக எய்ட்ஸ் பாதிக்கப்பட்ட 1000 குழந்தைகளை தத்து எடுத்து கொண்டு உள்ளார். மொத்தம் 2300 குழந்தைகள் எய்ட்ஸ் ஆல் தமிழகத்தில் பாதிக்கப்பட்டு உள்ளார்கள். அவர்களுக்கு உதவ மற்றவர்களும் முன்வர வேண்டும் என்று கேட்டு கொண்டு உள்ளார்..ரசிகர் மன்றங்களை நற்பணிமன்றங்களாக மாற்றி அவர்களால் முடிந்த இரத்ததானம் கண்தானம் போன்ற நற்பணிகளை செய்ய வைத்த நல்ல உள்ளம் கொண்டவர் கமல் என்பதில் ஐயமில்லை.பணம் உள்ள நல்ல உள்ளங்கள் கமலை பின்பற்றினால் நல்ல இருக்கும் தத்து எடுக்க வாய்ப்பு இல்லாவிட்டாலும் அவர்களை ஒதுக்காது வாழ நாம் நம்மை பழக்கி கொள்ள வேண்டும் .
நன்றி டைம்ஸ் ஆப் இந்தியா 2.12.09

செலவழிக்கும் நேர
இருப்பு பாதையில்
பயணப்படும் காமதேனு
பெறுபவர்களின் தனக்கு மட்டும்
பேராசை பொறுத்து கொள்ளவியலாது
பொம்மை பிடுங்கின
மனமாய் உள் வெறுக்கும்
குறை கண்டுபிடிக்க அலையும்
எலியின் தனிவலை விருப்பமாய்
தனித்து வாழும் தாய்
பல் போன ஜிப்பின் மீது
ஓடும் ப்ளை போல்
தொடாவண்டியும் நானும்
பயணப்பட்டு கொண்டு இருக்கிறோம்
இந்த தடவையாவது
அம்மா கூட வருவாளா என

உனக்கென்ன
முகத்தை தொக்கி வைத்துகொண்டு
பார்க்காமல் சென்று விட்டாய்

அம்மாவின் கைவண்ண
மல்லிகைபூ இட்டலி
தினசரி இதே சனியன் என்றது

அக்காவின் பிள்ளைகளை
பள்ளிக்கு அழைத்து செல்வது
வேலைக்காரனின் வேலை என்றது

நியாய விலைகடைக்கு
செல்ல மறுத்து
அப்பாவை முறைத்தது

தெரு முனை நண்பர்களுக்கு
தேநீர் வாங்கி தர
இளிச்சவாயனா

என்னவாய்ற்று எனக்குஎன்று
அவர்களும்
என்னசெய்வது என்று
எனக்கும் தெரியவில்லை

என்னவாய்ற்று எனக்குஎன்று
அவர்களும்
என்னசெய்வது என்று
எனக்கும் தெரியவில்லை

குழந்தைகள் தாய்மொழியில் அழுவதாக தற்போது கண்டு பிடித்து உள்ளார்கள. மகப்பேறின் கடைசி மாதத்தில் கருவில் இருக்கும் குழந்தை தாயின் குரலையும் தாய் மொழியையும் கற்று கொள்வதாக பிரிட்டன் விஞஞானிகள் கண்டு பிடித்து உள்ளார்கள்.மேலும் மருத்துவ உபகரணங்களில் உள்ள நானோ துகள்கள் உடம்பின் டி.என்.எ பாதுகாப்பு அரண்களை உடைத்து பாதிப்பு உண்டாக்குவுதாகவும் கண்டு பிடித்து உள்ளார்கள் ஆதாரம். டைம்ஸ் ஆப் இந்தியா 7.11.09

தொட்டில் சேலையை விலக்கி
கன்னத்தில் ஒருவிரல் வைத்துறங்கும்
மகளை பார்த்து கொண்டிருந்தேன்
தூங்கிற பிள்ளையை பார்க்காதே
என்றாள் அம்மா

திடீரென தூக்கத்தில் சிரித்தாள்
கடவுள் வந்து சிரிக்க வைக்கிறார்
என்றாள் அம்மா

திடுக்கென்று அழுது தூங்கினாள்
காத்து கருப்பு பயம் காட்டுகிதென
தொட்டிலின் கீழ் இரும்புதுண்டை
வைத்தாள் அம்மா

மீண்டும் என் மகள் அழ
அடுக்களையிலிருந்து ஓடிவந்து
கச்சை பால் கொடுத்தாள்
என் மகளின் அம்மா

நமது மறைவிக்கு பின் நமது மின் அஞ்சல் பெட்டி மின் அஞ்சல் முகவரி என்ன வாகும் என்பது ஒரு பெரிய கேள்வி குறியாக எல்லார் மனதிலும் இருக்கும். நமது மறைவிற்கு பிறகும் நம்மை பற்றிய தகவல்கள் நமது மின் அஞ்சல் இன் பாக்ஸ் விவரங்கள் கூகிள் மைக்ரோசாப்ட் ஹாட் மெயில் சேவை மின் அஞ்சல்களில் பத்திரமாக இருக்கும் என்று இன்றைய டைம்ஸ் ஆப் இந்தியா பக்கம் பதின் முன்றில் வெளியான செய்தியில் குறிப்பிட பட்டு உள்ளது

அப்பாவை தினமும் எழுப்பும்
என் செல்போன் அழைப்புகள்
மறுமுனையில் அப்பாவின்
“என்ன குழந்தை “ பதில்
இரத்தணுக்களில் இன்னும்

அத்தனை பிள்ளைகளிலும்
என்மீது கொள்ளைபிரியம்
கொண்ட அப்பாவின்
இரவு வணக்கமாக
என் விசாரிப்புகள்

உன்னோடிட்ட சண்டையில்
என் குரலுக்கெங்கிய
அப்பாவின் கடைசிஇரவில்
நான் பேசாத சொற்கள்
என் தொண்டையில்
நஞசாக கரைந்து
உடலெல்லாம் பரவி
உன் உயிரணுக்களை
அனுமதிக்க மறுத்துவிட்டன

குற்ற உணர்வுகள்
உன்னை குதறி தின்றும்
உன் உதடுகளை கிழித்தும்
நடைதளர்ந்த உன் ஆண்மை
என்னிடம் வருந்தவில்லை

என்றாவதொரு நாள்
நீ மன்னிப்பு கேட்டாலும்
உன்னை மன்னிக்க வியலாதற்கு
என்னை மன்னித்துவிடு

எங்க அலுவலகத்தில் வேலை செய்யும் கீழ்நிலை ஊழியர் ஒருவர். மீசை மழித்து அலுவலகம் வந்திருந்தார்.

என்னப்பா என்ன விஷயம்

. ஒன்னும் இல்லை சார். எங்க பெரியப்பா ஒருவர் திருவண்ணாமலை மாவட்டத்தில் ஜவ்வாது மலை அடிவாரத்தில் உள்ள ஊரில் இறந்து விட்டார் அதான் இப்படி என்றார்.

எத்தனை வயது இருக்கும் என்றதற்கு

93 வயசு சார் என்றார்.

அவ்வளவு வயசு வரை இருந்திருக்கிறரே என வியந்து இருவரும் பேசி விட்டு
என்ன செய்தது இறநது விட்டார்.

சார் “லக்கான்” நிழல் பட்டு ஒரு கைகால் விளங்காம போய் படுக்கையில் கிடந்து இறந்து விட்டார்.

என்னது லக்கான் அப்படி ஒரு பறவையா?.

பறவை இல்லை சார். அது பாம்பு சார்.

பாம்பு எங்கய்யா பறககும் என்று கேட்டதறகு

சார். நூறு, இருநூறு வயசான பாம்புக்கு இறக்கை முளைத்து பறக்கும். அதன் நிழல் யார் மேல் விழுந்தாலும் அவங்களுக்கு கை கால் விளங்காமல் போயிடும் என்றார்.

என்னய்யா இது புது கதையா இருக்கு எங்க ஊரில் வேற கதை சொல்லுவங்க வயசான பாம்பு நாகரத்தினத்தை கக்கி அந்த வெளிச்சத்தில் இரை தேடும் அந்த நேரத்தில் சாணியை நாகரத்தினத்தின் மீது போட்டு பாம்பு போனவுடன் நாகரத்தினத்தை எடுப்பார்கள் என்று கதை விடு வானுக இங்க இப்படி ஒரு கதையா. உனக்கு யார் சொன்னா நீ பார்த்தயா என்று கேட்க

இல்லை சார் ஆனா உண்மை ஊரில எல்லாரும் சொல்லுவங்க இப்பவும் சொன்னங்க . அது மட்டும் இல்ல சார் இப்ப பர்வதமலையில் கோயிலில் இடி விழுந்ததே சார் அப்ப கூட நாலுபேர் இறந்து போனங்கள்ல அப்ப அந்த கோயில் கொடிமரத்தில் இடி விழுந்ததால் கொடி மர இரண்டாயிட்டாம்மே. அப்ப கொடி மரத்தல்ல இரண்டு மூனு கிலோ கணக்க தங்கமாயிட்டுனு தெரிஞ்சு நிறைய அரசியல்வாதிகள் பத்து இருவது கார்களில் வந்து தங்கத்தை அள்ளி சென்றார்களாம் சார். என்றார்.
எனக்கு என்ன சொல்லுவது என்றே தெரியவில்லை.

யோவ் அப்படின்னா பேப்பர்ல்ல வந்து இருக்கனுமில்ல. வரவில்லையே.

இல்லை யார்க்கும் தெரியம கட்சிகாரங்க அமுக்கிடாங்களாம். என்று முழு நம்பிக்கையுடன் சொன்னார் .

அடப்பாவிகளா இன்னுமா நம்புவிங்க இப்படி. நம்மை மீட்க இனனொரு பெரியார் வந்தால் தான் முடியும் என்று நினைத்து கொண்டு வந்து சிரிப்பை அடக்கி கொண்டேன்